(વર્તમાન પ્રવાહ ન્યુઝ નેટવર્ક)
સેલવાસ, તા.31: દાદરા નગર હવેલી અને દમણ-દીવ એક્સાઈઝ વિભાગ દ્વારા બે વાહનોમાંથી લાખો રૂપિયાનો ગેરકાયદેસર દારૂનો જથ્થો ઝડપી પાડવામાં આવ્યો હતો અને આગળની કાર્યવાહી હાથ ધરી હતી.
પ્રાપ્ત વિગત અનુસાર એક્સાઈઝ વિભાગની ટીમને પેટ્રોલિંગ દરમ્યાન દાનહના મસાટ નજીક ગેરકાયદેસર દારૂનો જથ્થો ભરી જઈ રહેલ ટેમ્પો ઝડપી પાડવામાં સફળતા મેળવી હતી. તપાસ દરમ્યાન ટેમ્પામાં ખાલી કાર્ટુનની નીચે દારૂની પેટીઓ છૂપાવીને રાખવામાં આવી હતી. એક્સાઇઝ વિભાગે 10,52,400 રૂપિયાનો ગેરકાયદેસર દારૂનો જથ્થો અને ટેમ્પોને પણ જપ્ત કરી ટેમ્પોચાલકની ધરપકડ કરી આગળની કાર્યવાહી હાથ ધરી હતી.
અન્ય એક કિસ્સામાં સામરવરણી રીંગ રોડ નજીક ટેમ્પો નંબર ડીએન 09 જે 9837માં 360 બોટલ દારૂનો જથ્થો જેની અંદાજીત કિંમત 13,34,520 રૂપિયા તથા એક આરોપી અફરીદીને સંઘપ્રદેશ એક્સાઈઝ વિભાગ દ્વારા ઝડપી પાડી તેની વિરુદ્ધ ગુનો દાખલ કરી આગળની કાર્યવાહી હાથ ધરવામાં આવી છે.