પેમારામ ચૌધરીએ બિકાનેર ઈકો હોમ્સ નામની રેસિડેન્ટ સ્કીમ ચાલું કરી હતી : ફલેટ બુક કરી રૂપિયા ઉછેટી લીધા પણ મકાન આપ્યા નહી
(વર્તમાન પ્રવાહ વાપી બ્યુરો)
વાપી, તા.13: વાપી પાસે આવેલ કરમખલ-પીપરીયામાં રહેઠાણની સ્કીમ ચાલુ કરનાર બિલ્ડરે 80 ઉપરાંત લોકોના ફલેટ બુક કરી લાખોની છેતરપીંડી કરી રૂપિયા ચાઉ કરી જનાર બિલ્ડર સામે લોકરોષ ભભૂક્યો હતો. પોલીસે ફરીયાદ બાદ આરોપી બિલ્ડરની ધરપકડ કરી વાપી કોર્ટમાં રજૂ કરવામાં આવેલ ત્યારે ફલેટ ધારકોએ કોર્ટ પરિસરમાં હલ્લાબોલ કરી ન્યાયની માંગણી કરી હતી.
વાપી નજીક કરમખલમાં બિકાનેર ઈકો હોમ્સ નામની રેસિડેન્સી સ્કીમ પેમારામ માંગીલાલ ચૌધરી 2018માં કાર્યરતકરી હતી. બિલ્ડર પેમારામ હાલ રહે.જલાલપોર એરુ ચાર રસ્તા એવન સોસા. મૂળ રાજસ્થાને લોકોને આકર્ષવા માટે દાદરા ચેકપોસ્ટ પલ્સ એવન્યુમાં ઓફિસ કાર્યરત કરીને ફલેટનું મોર્કેટીંગ શરૂ કરેલું. પ્રારંભમાં બે બિલ્ડીંગ બનાવીને ફલેટ ધારકોને ભાડે રહેવા આપેલ તેમજ તમારા ફલેટનો કબજો ટૂંકમાં મળી જશે, બે-ત્રણ વર્ષ પુરા થયા પણ મકાનો નહી મળતા મામલો વધુ ગરમાયો તેથી સુરજીત ગંગટેઈન મોહંતી રહે.સેલવાસ યોગી મિલન સોસાયટીએ 15 ફલેટ બુક કરાવેલા તે પેટે બે ટુકડામાં રોકડા 20.88 કરોડ રૂપિયા બિલ્ડર પેમારામને આપેલા પરંતુ મકાન કે રૂપિયા પરત નહી મળતા સુરજીત મોહંતીએ ડુંગરા પોલીસમાં ફરિયાદ નોંધાવી હતી. ફરિયાદ બાદ પોલીસે બિલ્ડરની ધરપકડ કરી વાપી કોર્ટમાં રજૂ કરાયેલ ત્યારે ફલેટ ધારકોએ કોર્ટ પરિસરમાં જ હોબાળો મચાવી ન્યાયની માંગણી કરી હતી.
