રક્તદાતાઓએ 108 યુનિટ રક્તનું કરેલું દાન
(વર્તમાન પ્રવાહ ન્યુઝ નેટવર્ક)
સેલવાસ, તા.25 : દાદરા નગર હવેલી યુનિયન ટેરીટરી(યુ.ટી.) ચેરીટેબલ ટ્રસ્ટ દ્વારા સેલવાસ રેડક્રોસ સોસાયટી ખાતે રક્તદાન શિબિર અને વેબસાઈટ લોન્ચિંગ કાર્યક્રમનું આયોજન કરવામાં આવ્યું હતું. શિબિરનો શુભારંભ દીપ પ્રાગટ્ય કરીને કરવામાં આવ્યો હતો. અત્રે યોજાયેલ રક્તદાન શિબિરમાં મોટી સંખ્યામાં યુવાઓ અને મહિલાઓએ ઉત્સાહભેર ભાગ લીધો હતો અને 108 યુનિટ જેટલું મહત્વપૂર્ણ રક્ત એકત્ર થયું હતું. આ રક્તદાન શિબિરમાં રક્તદાતાઓને પ્રમાણપત્ર આપી સન્માનિત કરવામાં આવ્યા હતા.
રક્તદાન શિબિર અને વેબ લોન્ચિંગમાં કાર્યક્રમમાં યુ.ટી. ચેરીટેબલ ટ્રસ્ટના પ્રમુખ શ્રી પ્રદીપ મિશ્રા સહિત સંસ્થાના સભ્યો અને રેડક્રોસના કર્મચારીઓ ઉપસ્થિત રહ્યા હતા.
