(વર્તમાન પ્રવાહ ન્યુઝ નેટવર્ક)
વલસાડ, તા.04: વલસાડ જિલ્લાના પારડી તાલુકામાં પારડી એજ્યુકેશન સોસાયટી સંચાલિત નિર્મળાબેન કિશોરભાઈદેસાઈ સાયન્સ એન્ડ કોમર્સ કોલેજમાં તા.4 થી 12 જુલાઈ 2023 દરમ્યાન જ્ઞાન સપ્તાહનું આયોજન કરવામાં આવ્યું છે. રોજ અલગ અલગ ક્ષેત્રોના બે તજજ્ઞોને આમંત્રણ આપી તેમની સફળતાની સફરની વાત કરવામાં આવે છે અને ત્યારબાદ વિદ્યાર્થીઓ દ્વારા સવાલ જવાબ સાથે ચર્ચા કરવામાં આવે છે.
આજરોજ તા.4 જુલાઈના રોજ ચાર્ટડ એકાઉન્ટન્ટ દીપિકા ગુટગુટિયાએ પોતાના અભ્યાસની સાથે વિવિધ કારકિર્દીની તકની વાતો કરી હતી. આ ઉપરાંત શેતલ ગોંસાઈ દ્વારા એન્જિનિયર કારકિર્દીથી ટ્રેનર સુધીની સફરની ચર્ચા કરી સફળતા મેળવવા માટેની વિવિધ પ્રક્રિયાની વાતો કરી હતી. સ્વાગત વિધિ કોલેજનાં પ્રાધ્યાપિકા ડો. પૂનમ ખમાર દ્વારા કરવામાં આવી હતી. સમગ્ર સંચાલન કોલેજની વિદ્યાર્થિની શિવાંગી ચોબે અને તનીશી નંદા દ્વારા કરવામાં આવ્યું હતું.