-
હાલમાં ખુબ જ મહત્વની ગણાતી મહિલા બાળ વિકાસ અને યુવા સમિતિના અધ્યક્ષતરીકે જશોદાબેન પટેલની વરણી
-
દાનહ જિલ્લા પંચાયતની વિવિધ 7 સમિતિઓનું ગઠન સંપન્નઃ હવે કાર્યમાં ગતિશીલતા આવવાની સંભાવના
(વર્તમાન પ્રવાહ ન્યુઝ નેટવર્ક)
સેલવાસ, તા.13 : દાદરા નગર હવેલી જિલ્લા પંચાયતની વિવિધ 7 સમિતિઓનું ગઠન આજે શાંતિપૂર્ણ રીતે સંપન્ન થયું હતું. દાનહના નાયબ કલેક્ટર (જનરલ)શ્રી અમિત કુમારના અધ્યક્ષસ્થાને મળેલી આજની સામાન્ય સભામાં તમામ સમિતિની રચના બિન હરિફ રીતે કરાઈ હતી.
કારોબારી સમિતિના અધ્યક્ષ તરીકે શ્રી દિપકભાઈ છોટુભાઈ પ્રધાનની વરણી કરવામાં આવી હતી. જ્યારે જિલ્લા પંચાયતમાં મહત્વની ગણાતી જાહેર બાંધકામ સમિતિના અધ્યક્ષ પદની જવાબદારી શ્રી વિપુલ કાકડભાઈ ભુસારાને સુપ્રત કરવામાં આવી છે. શિક્ષણ સમિતિના અધ્યક્ષ પદે શ્રીમતી નિશા ભવરની નિયુક્તિ કરાઈ છે.
જાહેર આરોગ્ય સમિતિના અધ્યક્ષ પદે શ્રી ગોવિંદભાઈ ભુજાડા, ઉત્પાદન સહકાર અને સિંચાઈ સમિતિના અધ્યક્ષ પદની જવાબદારી શ્રી દિપકભાઈ એલ. પટેલ, સામાજિક ન્યાય સમિતિના અધ્યક્ષ તરીકે શ્રી ભગુભાઈ પટેલ અને હાલમાં ખુબ જ મહત્વની ગણાતી મહિલા બાળ વિકાસ અને યુવા સમિતિના અધ્યક્ષ તરીકે શ્રીમતી જશોદાબેન રવિન્દ્રભાઈ પટેલની નિયુક્તિ કરવામાં આવી છે.
દાદરા નગર હવેલી જિલ્લા પંચાયતના અધ્યક્ષ શ્રી દામજીભાઈ કુરાડા હવે આ વિવિધસમિતિના નવનિયુક્ત અધ્યક્ષો પાસે કેવું કામ લેવડાવે તેના ઉપર પણ તમામનું ધ્યાન કેન્દ્રિત છે.