ગણદેવી તાલુકામાં 3 હજાર હેક્ટર, ખેરગામ તાલુકામાં 4 હજાર હેક્ટર જ્યારે ચીખલી તાલુકામાં 8 હજાર હેક્ટરનું ચોમાસું ડાંગરનું વાવેતર કરવામાં આવે છે
(વર્તમાન પ્રવાહ ન્યુઝ નેટવર્ક)
ચીખલી (વંકાલ), તા.16: દક્ષિણ ગુજરાત સહિત રાજ્યમાં ચોમાસાની શરૂઆત થઈ છે. જેથી કરી જગતનો તાત ખેડૂતોમાં આનંદની લાગણી વ્યાપી જવા પામી હતી. નવસારી જિલ્લામાં વાવણી લાયક વરસાદ વરસ્યો છે જેને લઈને ખેડૂતોએ ચોમાસું ડાંગરની વાવણીની શરૂઆત કરી દીધી છે. જિલ્લામાં બે રાઉન્ડ વરસાદની ધમાકેદાર બેટિંગમાં આશરે 35 થી 40 ટકા જેટલો વરસાદ ખાબકયો છે. વરસાદ ધીમી ધારે વિરામ લેતા ખેડૂતો હવે ચોમાસું ડાંગરની વાવણીમાં જોતરાયા છે . જ્યારે ચોમાસું વાવેતર ચીખલી તાલુકામાં 8 હજાર હેકટર, ગણદેવી તાલુકામાં 3 હજાર હેકટર, ખેરગામ તાલુકામાં 4 હેકટર જેટલું ચોમાસું ડાંગરની વાવણી ખેડૂતો દ્વારા કરવામાં આવે છે. જિલ્લામાં ચોમાસું ડાંગરની ઉપર મોટાભાગના ખેડૂતો નિર્ભર રહે છે. વાવણી લાયક વરસાદ થતાં મહિલાઓ ડાંગરની વાવણી કરતા નજરે પડી રહ્યા છે.