કાળઝાળ ગરમી અને વરસાદને લઈ ઝેરી-બિનઝેરી
સાપ વધુ બહાર નિકળતા હોય છે
(વર્તમાન પ્રવાહ વાપી બ્યુરો)
વાપી, તા.18: વલસાડ જિલ્લો લીલોતરી અને ઝાડી-વાડીઓથી અચ્છાદિત પ્રદેશ હોવાથી અવાર નવાર રહેણાંક વિસ્તારોમાં સાપમળી આવે છે. છેલ્લા બે મહિનાથી વાપી વિસ્તારમાં 200 ઉપરાંત ઝેરી સાપ મળી આવતા રેસ્ક્યૂ કરવામાં આવ્યા હતા.
વાપી ઈમરજન્સી રેસ્ક્યૂ ફોર્સ ચેરીટેબલ ટ્રસ્ટના મુકેશભાઈ ઉપાધ્યાય અને સંજય પવારના જણાવ્યા મુજબ એપ્રિલ અને જૂન મહિનામાં અમને વિવિધ રહેણાંક વિસ્તારોમાંથી અમને સાપ રેસ્ક્યૂ કરવાના પુષ્કળ ફોન આવતા હતા. અમે વિના વિલંબે રહેઠાણ એરિયાના ઘરમાં ઘૂસી ગયેલા 200 ઉપરાંત સાપોનું રેસ્ક્યૂ કર્યું છે. રેસ્ક્યૂ કરાયેલા સાપ કેટલાક ઝેરી અને બિનઝેરી હોય છે. ઉનાળાથી સખત ગરમી અને ચોમાસામાં દરોમાં પાણી ભરાઈ જવાના કારણે સાપ બહાર નિકળતા હોય છે. જંગલ ઝાડીમાં વાડી જેવા વિસ્તારમાં પણ સાપ વધુ રહેતા હોય છે. છેક દમણ, ઉમરગામ સુધીના વિસ્તારોમાં સાપ પકડવા માટેના ઈમરજન્સી કોલ રેસ્ક્યૂ ફોર્સ ચેરીટેબલને અવાર નવાર મળતા રહે છે.
