(વર્તમાન પ્રવાહ વાપી બ્યુરો)
વાપી, તા.19: વલસાડ જિલ્લામાં સાર્વત્રિક વરસાદ વરસી રહ્યો છે, જેના પગલે ખેડૂતોમાં ખુશીનો માહોલ છવાયો છે તેમજ અનેક વિસ્તારોમાં રોપણી લાયક વરસાદ થતાં ખેડૂતો રોપણીની કામગીરી આદરી છે.
વલસાડ જિલ્લાના કપરાડા ધરમપુર તાલુકાના ખેડૂતો આકાશી ખેતી કરે કોઈપણ પ્રકારની સિંચાઈ વ્યવસ્થા નથી. ધરતી પુત્રો કુદરત એ આધાર રાખવો પડે છે.ચાલુ વર્ષે ચામાસાની શરૂઆતમા વલસાડ જિલ્લામાં સાર્વત્રિક વરસાદ વરસતા ખેડૂતોમાં ખુશી જોવા મળી રહી છે. સારો વરસાદ થતા ગ્રામ્ય વિસ્તારોમાં હાલ રોપણીની મોસમ ચાલી રહી છે. ત્યારે કપરાડા અને ધરમપુર પારડી તાલુકામાં તાલુકામાં ડાંગરની રોપણી શરૂ થઈ છે. જે સમગ્ર બાબતે ખેડૂતો જણાવી રહ્યાં છે કે, આ વર્ષે મેઘરાજા મહેરાબાન બન્યા છે.
ખેતી લાયક વરસાદ જિલ્લામાં મેઘરાજાએ ધમાકેદાર એન્ટ્રી કરી છે. ત્યારે મોટા ભાગના ખેડૂતોએ રોપણીનો શુભારંભ કર્યો છે. જેમાં ડાંગર, તુવેર, અડદ,વાલ અને શાકભાજી વેલાવાળા પાકોની રોપણી કરવામાં આવી રહી છે. ચોમાસુ બેસી જતા ખેતી લાયક વરસાદ વરસતા ખેડૂતો રોપણી કરી રહ્યાં છે અને સારા વરસાદથી સારી ખેતીની આશા ખેડુતો સેવી રહ્યા છે.
