વાપી, દમણ, સેલવાસ, સરીગામમાં અનેક ઔદ્યોગિક
એકમોની એમણે ડિઝાઈન કરી હતી
(વર્તમાન પ્રવાહ વાપી બ્યુરો)
વાપી, તા.21: વાપીના સૌથી જુના 1974 થી કાર્યરતઆર્કિટેક, કન્સલટન્ટ એન્જિનિયર ભામાશાના હુલામણા નામે જાણીતા એવા નગીનભાઈ પટેલનું બુધવારના રોજ થયેલ અવસાનથી શોકનો માહોલ છવાઈ ગયો હતો.
વાપી વસાહતમાં તેમજ દમણ, સેલવાસ, સરીગામમાં અનેક એકમોની ડિઝાઈનર તથા દમણમાં 50 વર્ષથી લાયન્સ ક્લબ સાથે સંકળાયેલા એવા નગીનભાઈ પટેલને તેમના અવસાન થકી અનેક સેવાકીય કાર્યોના પ્રણેતાને લોકો નિરંતર યાદ કરતા રહેશે. 1974 થી એન્જિનિયરીંગ ક્ષેત્રે કામગીરી દરમિયામ તેમને અનેક ઔદ્યોગિક એકમોની ડિઝાઈન, વાપી જીઆઈડીસી ઓફિસની ડિઝાઈન પણ નગીનભાઈ પટેલએ બનાવી હતી. સામાજીક ક્ષેત્રે તેમમે ઉદવાડામાં કોળી સમાજની રચના કરી હતી. સમાજના ઉત્થાન માટે વર્ષો સુધી સક્રિય રહ્યા હતા અને મોભી હતા. દમણમાં છેલ્લા 50 વર્ષથી લાયન્સ મેમ્બર તરીકે સેવા આપતા રહ્યા હતા. શિક્ષણ ક્ષેત્રે પણ રુચી ધરાવતા અનેક બાળકોની ફી ભરતા હતા તેમજ બાળકો દત્તક પણ લેતા હતા. તેમના ધર્મપત્ની સવિતાબેન પટેલ, ભાઈ દયાળભાઈ (કોપરલી), પૂત્ર કિરણ (પ્લાસ્ટીક એન્જિનિયર), નાનો પૂત્ર ઉદય (સિવિલ એન્જિનિયર), મોટી દિકરી કુંદન, નાની દિકરી હિના પટેલ (સમર્પણ જ્ઞાન સ્કૂલ) સહિત અનેક શુભેચ્છકો, લાયન્સ પરિવાર નગીનભાઈ પટેલના અવસાનથી શોકમગ્ન બન્યા હતા.
