(વર્તમાન પ્રવાહ ન્યુઝ નેટવર્ક)
પારડી, તા.21: પારડી સ્ટેશન રોડ પર કોટલાવ પાદરદેવી માતાના મંદિર આગળ ઓવરટેકની લાયમાં કાર અને ટેમ્પો વચ્ચે અકસ્માત સર્જાયો હતો. આ અકસ્માતમાં સવારોનો બચાવ થયો હતો.
પારડી તાલુકાના કોટલાવ ગામે પાદરદેવી માતાના મંદિર નજીક પારડી સ્ટેશન રોડ પર ઉમરસાડી તરફથી આવતી આર્ટિગા કાર નંબર જીજે-15-સીએમ-0209 અને પારડી સ્ટેશન તરફ જતો ટેમ્પો નંબર જીજે-15-એક્સએક્સ-9659 સામ સામે અથડાતાં અકસ્માત સર્જાયો હતો. આ અકસ્માતમાં કાર અને ટેમ્પામાં નુકશાન પહોંચવા પામ્યું હતું. જ્યારે ટેમ્પો અને કારમાં સવારોનો ચમત્કારિક બચાવ થયો હતો. જોકે આ અકસ્માત ઓવરટેકની લાયમાં સર્જાયો હોવાનું જાણવા મળ્યું છે. ઘટનાની જાણ થતાં પારડી પોલીસ પણ પહોંચી હતી.