‘વિશ્વ આદિવાસી દિવસ’ 9મી ઓગસ્ટે નાની દમણના સ્વામી વિવેકાનંદ ઓડિટોરિયમમાં યોજાનારા કાર્યક્રમમાં ઉપસ્થિત રહેવાનો સંદેશ આપવા બાઈક-કાર રેલીનું કરાયેલું આયોજન
(વર્તમાન પ્રવાહ ન્યુઝ નેટવર્ક)
દમણ, તા.06 : 9મી ઓગસ્ટે યોજાનારા ‘વિશ્વ આદિવાસી દિવસ’ના ઉપલક્ષમાં આજે જનજાગૃતિ ફેલાવવાના હેતુથી દમણ જિલ્લા આદિવાસી સમાજ દ્વારા વિશાળ બાઈક-કાર રેલીનું આયોજન કર્યું હતું.
મોટી દમણના આદિવાસી ભવન ખાતે જિલ્લા કલેક્ટર શ્રી સૌરભ મિશ્રાએ લીલી ઝંડી બતાવી બાઈક-કાર રેલીનું પ્રસ્થાન કરાવ્યું હતું. ભગવાન બિરસા મુંડાના રથ સાથે 450 કરતા વધુ બાઈક-કાર રેલી દમણ જિલ્લાનાદરેક ગામ અને શેરીઓમાં ફરી 9મી ઓગસ્ટના રોજ નાની દમણના સ્વામી વિવેકાનંદ ઓડિટોરિયમ ખાતે યોજાનારા સમારંભમાં ઉપસ્થિત રહેવા પોતાના બાંધવો અને ભગિનીઓને આમંત્રણ આપ્યું હતું. આ પ્રસંગે પ્રસ્થાનના સમયે ડેપ્યુટી કલેક્ટર શ્રી મોહિત મિશ્રા પણ ઉપસ્થિત રહ્યા હતા.
આ કાર્યક્રમને સફળ બનાવવા માટે દમણ જિલલા આદિવાસી સમાજના અધ્યક્ષ શ્રી ધીરૂભાઈ ધોડીના નેતૃત્વમાં જિલ્લા પંચાયતના સભ્ય શ્રી દિનેશભાઈ ધોડી, શ્રી ભાવિક હળપતિ, શ્રી વિક્રમ હળપતિ વગેરેએ પોતાનું મહત્વનું યોગદાન આપ્યું હતું.
