કરવડમાં ભેંસોની ગમાણમાં સફેદ નાગ દેખાતા રેસ્ક્યુ ટીમે પકડી વન વિભાગને સોંપ્યો
(વર્તમાન પ્રવાહ વાપી બ્યુરો)
વાપી, તા.09: વાપી નજીક કરવડ ગામે મનીષભાઈના ઘરે ભેંસોની ગમાણમાં લાખોમાં દુર્લભ ગણાતો સફેદ નાગ જોવા મળતા રેસ્ક્યુ ટીમને જાણ કરી હતી. ટીમે નાગનું રેસ્ક્યુ કરીને વન વિભાગને સોંપ્યો હતો.
માનવીમાં જેમ કેટલાક વિટામીનની ઉણપ હોય ત્યારે કોડ જેવી બિમારી થતી હોય છે. આ કોડ પશુ પક્ષી, સરી સૃપોને થતા હોય છે તેવી માહિતી આર.એફ.ઓ. મીતુલ પટેલે આપી હતી. નાગ સફેદ થવાનું કારણ કોડ છે. કોઈ અંધશ્રધ્ધા રાખવાની જરૂર નથી. કરવડમાં ઝડપાયેલ સફેદ નાગ અતિ દુર્લભ છે. જે પ્રાપ્ત થવો રેરેસ્ટ ઓફ રેર ગણાય છે. આ અલબીલો કોબ્રા ખુબ જ આક્રમક હોય છે. નાગને બે દિવસ સારવાર હેઠળ રખાયો હતો. બાદમાં જંગલમાં છોડવામાં આવ્યો હતો.