દમણના સ્વામી વિવેકાનંદ ઓડિટોરિયમમાં દમણની સરકારી કોલેજ, પોલીટેક્નિક અને એન્જિનિયરીંગ કોલેજના વિદ્યાર્થીઓએ ચંદ્રયાન-3ના સફળ લેન્ડિંગનો નિહાળેલો નઝારો
સંઘપ્રદેશ પ્રશાસનના હાયર અને ટેક્નીકલ એજ્યુકેશન વિભાગે ઈસરો સહિત દેશના તમામ વૈજ્ઞાનિકોનો માનેલો આભાર
(વર્તમાન પ્રવાહ ન્યુઝ નેટવર્ક)
દમણ, તા.23 : સંઘપ્રદેશના પ્રશાસક શ્રી પ્રફુલભાઈ પટેલના દિશા-નિર્દેશ અને માર્ગદર્શન હેઠળ દાદરા નગર હવેલી અને દમણ-દીવની દરેક શાળા અને કોલેજોમાં ચંદ્રયાન-3ના વિશેષ લાઈવ સ્ટ્રીમિંગ નિહાળવાની વ્યવસ્થા કરવામાં આવી હતી.
સ્વામી વિવેકાનંદ ઓડિટોરિયમ ખાતે સરકારી કોલેજ દમણ, પોલીટેકનિક અને સરકારી એન્જિનિયરીંગ કોલેજનાવિદ્યાર્થીઓએ ચંદ્રયાન-3ના સફળ લેન્ડિંગનું જીવંત પ્રસારણ ઉમંગ અને ઉત્સુકતા સાથે નિહાળ્યું હતું.
આ પ્રસંગે સંઘપ્રદેશ પ્રશાસનના હાયર અને ટેક્નીકલ એજ્યુકેશન વિભાગે ઈસરો સહિત દેશના તમામ વૈજ્ઞાનિકો અને આ અભિયાનમાં ફાળો આપનાર દરેક વ્યક્તિને દિલોજાનથી શુભેચ્છા પાઠવી હતી.
