(વર્તમાન પ્રવાહ ન્યુઝ નેટવર્ક)
ઉમરગામ, તા.29: સ્પોર્ટ ઓથોરિટી ઓફ ગુજરાત ગાંધીનગર આયોજિત જિલ્લા રમતગમત વિકાસ અધિકારીની કચેરીના નેતૃત્વમાં નેશનલ સ્પોર્ટ-ડે નિમિત્તે નારગોલ ખાતે તાલુકા કક્ષાનો રમતોત્સવ તા.29/08/2023ને મંગળવારના રોજ ઉજવાયો હતો. સવારે 8:30 કલાકે નારગોલ ગામના સરપંચ સ્વીટી ભંડારીએ લીલી ઝંડી ફરકાવી કાર્યક્રમનો પ્રારંભ કરાવ્યો હતો. આ શાળાકીય રમત સ્પર્ધાઓમાં સમગ્ર ઉમરગામ તાલુકાની શાળાઓના વિદ્યાર્થીઓએ ખોખો, એથલેટિક્સ જેવી રમતમાં ભાગ લીધો હતો.
