(વર્તમાન પ્રવાહ ન્યુઝ નેટવર્ક)
પારડી, તા.03: પારડી તાલુકાના ખડકી ગામે આવેલી ઘનશ્યામ સ્ટોન ક્વોરીના પાર્કિંગમાં પાર્ક કરેલા ડમ્પર નંબર જીજે-15-એટી-7554 માં રાત્રીના કોઈ કારણસર કેબિનના ભાગે આગ લાગવા પામી હતી. આગ લાગતાં જ ત્યાં રહેતા ડમ્પરના ચાલક દીપસિંગે આ બાબતે સ્ટોન ક્વોરીના સંચાલક રાજેશ લાલજીભાઈ વઘાસિયાને જાણ કરી હતી અને આ આગ બાબતની જાણ પારડી નગર પાલિકાની ફાયર ટીમને કરવામાં આવતા ફાયર ટીમ તાત્કાલિક ઘટના સ્થળે દોડી જઈ પાણી મારો શરૂ કર્યો હતો અને આગ પર કાબૂ મેળવવામાં સફળતા મેળવી હતી. પરંતુ ડમ્પરનો કેબિનનો ભાગ બળીને ખાખ થઈ ગયો હતો. હાલ તો આગ શોર્ટ સર્કિટના કારણે લાગી હોવાનું પ્રાથમિક તારણ કાઢવામાં આવી રહ્યું છે. આ સમગ્ર બાબતે પારડી પોલીસ મથકે ક્વોરી સંચાલકે જાણવાજોગ ફરિયાદ નોંધાવી છેજે આધારે પારડી પોલીસે વધુ કાર્યવાહી હાથ ધરી છે.
