પાસે રેલવે લાઈન પસાર થતી હોવાથી સલામતિ ખાતર ટ્રેન
વહેવાર થોડો સમય અટકાવી દેવાયેલ
(વર્તમાન પ્રવાહ વાપી બ્યુરો)
વાપી, તા.26: વાપી નજીક આવેલ કરમબેલી સ્થિત સ્કેપના ગોડાઉનમાં આજે મંગળવારે સાંજના સુમારે અચાનક ભિષણ આગ લાગતા અફરા તફરી મચી જવા પામી હતી.
કરમબેલીમાં રેલવે લાઈન પાસે આવેલ પ્લાસ્ટીક સ્કેપ ગોડાઉનમાંઅચાનક ભિષણ આગ ભભૂકી ઉઠી હતી. આગથી ધુવાડાના મોટા વાદળો છવાઈ ગયા હતા. આગનું સ્વરૂપ જોતા ગોડાઉનમાં કેમિકલ હોવાનું અનુમાન છે. પરંતુ તપાસ બાદ જ સ્પષ્ટતા થશે. બાજુમાં જ વેસ્ટર્ન રેલવેની લાઈન પસાર થતી હોવાથી આગથી કોઈ અજુગતી ઘટના ના ઘટે તે માટે સલામતિ ખાતર રેલવે વહેવાર થોડા સમય માટે થોભાવી દેવાયો હતો. ગોડાઉન કોનું છે, આગ કેમ લાગી ના સવાલો અકબંધ છે.