મોદીસન કંપનીમાં કામ કરતા મુનસી વેલજી ભુરીયા, કાલુ દિવાન ડામોર અને સગીરે 10.500 કિ.ગ્રા. ચાંદી વાયરનું બંડલ ચોરેલું
(વર્તમાન પ્રવાહ વાપી બ્યુરો)
વાપી, તા.27: વાપી જીઆઈડીસીમાં આવેલ કંપનીમાં સિવિલ કન્ટ્રકશન સાઈટ ઉપર કામ કરતા અને કંપનીમાં રહેતા બે મજુર અને એક સગીરે કંપનીના સ્ટોરમાં રાખેલ 10.500 કિ.ગ્રા. ચાંદી વાયરનું બંડલ કિંમત રૂા.7.77 લાખની ચોરી કરતા ઝડપાઈ ગયા હતા.
વાપી જીઆઈડીસીમાં આવેલ મોદીસન નામની કંપનીના મેનેજર યોગેશ વાઘેલાએ નોંધાવેલ ફરિયાદ અનુસાર કંપનીમાં કન્ટ્રકશનનો કોન્ટ્રાક્ટ શશીજીત ઈન્ફ્રા. પ્રોજેક્ટને સોંપાયેલ છે. કન્ટ્રકશન સાઈટ પર કામ કરતા મજુરો માટે કોન્ટ્રાક્ટર રાજેશ બુરસીંગએ સબ કોન્ટ્રાક્ટ રાખેલ. જેમાં કામ કરતા મજુરો માટે કંપનીમાં રહેવાની વ્યવસ્થા કરી હતી. 26મી સવારે સુપરવાઈઝરે સ્ટોરમાં ચેક કરતા વ્યવસ્થા કરી હતી. 26મી સવારે સુપરવાઈઝરે સ્ટોરમાં ચેક કરતા રૂા.7.77 લાખનું ચાંદીના વાયરનું બંડલ જોવા મળેલ નહીં. તેથી સી.સી.ટી.વી. ફુટેજ ચેક કરવામાં આવતા એક સગીર અને કાલુ દિવાન ડામોર અને મુનસી વેલજી ભુરીયા ટ્રોલીમાં બંડલ લઈ જતા જોવા મળ્યા હતા. પૂછપરછ કરતા બન્ને ચોરોએ ગુનો કબુલી લીધોહતો. ત્યારબાદ નોંધાયેલ ફરિયાદ બાદ પોલીસે બંડલ રિકવર કરીને બન્ને મજુરોની ધરપકડ કરી હતી.