(વર્તમાન પ્રવાહ ન્યુઝનેટવર્ક)
સેલવાસ, તા. 31 : દાદરા નગર હવેલીના રખોલી ગામ ખાતે આવેલ મધુબન હોટલમાં બાવરચી તરીકે નોકરી કરતો યુવાન કોઈક કામસર બાઈક લઈને નીકળ્યો હતો, તે સમયે રસ્તામાં બાઈક સ્લીપ થતાં માથાના ભાગે ગંભીર ઈજા થઈ હતી. જેમને સારવાર માટે હોસ્પિટલમાં ખસેડાયા પરંતુ સારવાર દરમ્યાન આજે તેમનું મોત થયું હતું.
પ્રાપ્ત વિગત અનુસાર લાલ બહાદુર થાપા (ઉ.વ.55) જે રખોલીની મધુબન હોટેલમાં બાવરચી તરીકે નોકરી કરતો હતો અને હોટલમાં જ રહેતો હતો. જે કોઈક કામ માટે બાઈક લઈને નીકળ્યો હતો. તે સમયે તેમનું બાઈકનું બેલેન્સ નહીં રહેતા સ્લીપ થઈ ડીવાઈડર સાથે ટકરાતા માથાના ભાગે ગંભીર ઈજા થઈ હતી. જેને સ્થાનિક લોકોએ ઈમરજન્સી 108 એમ્બ્યુલન્સ દ્વારા સેલવાસની શ્રી વિનોબા ભાવે સિવિલ હોસ્પિટલમાં સારવાર માટે લઈ જવામાં આવ્યા હતા.
આ અકસ્માતની ઘટના અંગે હોટલ સ્ટાફને જાણ થતાં તેઓ તાત્કાલિક હોસ્પિટલ ખાતે આવી પહોંચ્યા હતા. પરંતુ માથાના ભાગે થયેલી ગંભીર ઈજાને કારણે લાલ બહાદુર થાપાનું સારવાર દરમ્યાન હોસ્પિટલના બિછાને સદ્નશીબે મોત થયું હતું. આ ઘટનાથી હોટલપરિસર તથા તેમનાસગાં-સંબંધીઓમાં શોકની કાલીમ છવાઈ જવા પામી હતી. ઘટના અંગેની વધુ તપાસ સેલવાસ પોલીસે ફરિયાદ નોંધી હાથ ધરી છે.
