ટેમ્પા સાથે પોલીસે રૂા.7.21 લાખના મુદ્દામાલ સાથે ચાલકની અટક કરી
(વર્તમાન પ્રવાહ વાપી બ્યુરો)
વાપી, તા.05: વલસાડ ધરમપુર ચોકડી હાઈવે ઉપર પોલીસે બેટીબચાવો બેટી પઢાવો સ્લોગન લખેલ દારૂનો જથ્થો ભરેલ પીકઅપ ટેમ્પો ઝડપી પાડયો હતો.
વલસાડ સિટી પોલીસને મળેલી બાતમી આધારે ધરમપુર ચોકડી ઉપર વોચ ગોઠવી વાહન ચેકિંગ કામગીરી શરૂ કરી હતી તે દરમિયાન બાતમી વાળો બેટી બચાવો બેટી પઢાવો લખેલ ટેમ્પો નં.એમએચ 48 ટી 0183 ને અટકાવી ચેકિંગ કામગીરી હાથ ધરી હતી. ટેમ્પોમાં 3084 નંગ વિદેશી દારૂની બોટલ મળી આવી હતી. પોલીસે ચાલકની અટક કરી હતી. દારૂની કિંમત રૂા.2.16 લાખ, બે મોબાઈલ અને ટેમ્પો મળી કુલ રૂા.7.21 લાખનો મુદ્દામાલ જપ્ત કરી દારૂ ભરાવનાર અને લેનારને વોન્ટેડ જાહેર કર્યો હતો.