November 30, 2025
Vartman Pravah
Breaking Newsગુજરાતચીખલીડિસ્ટ્રીકટનવસારી

સમરોલીની પ્રાથમિક શાળાના ઓરડાઓના બાંધકામમાં ગેરરીતિના અખબારી અહેવાલ બાદ જિલ્લા પ્રોજેક્‍ટ કો-ઓર્ડીનેટર દ્વારા એજન્‍સીને પાઠેવેલી નોટિસ 

ગાંધીનગર ખાતેની સર્વ શિક્ષા અભિયાનની કચેરીમાં રિપોર્ટ રજૂ કરવા અને હાલમાં કામ બંધ કરવા જિલ્લા પ્રાથમિક શિક્ષણાધિકારી ભગીરથસિંહ પરમારનો આદેશ

(વર્તમાન પ્રવાહ ન્‍યુઝ નેટવર્ક)
ચીખલી,(વંકાલ), તા.10 : ચીખલી તાલુકાના સમરોલીમાં જિલ્લા પંચાયત શિક્ષણ સમિતિ સંચાલિત વિદ્યાકુંજ પ્રાથમિક શાળામાં 70-લાખ રૂપિયાના ખર્ચે સાત જેટલા ઓરડાઓનું બાંધકામ સર્વે શિક્ષા અભિયાનના ઈજનેરોની નિગરાની હેઠળ કરાઈ રહ્યું છે. પરંતુ બાંધકામમાં કોન્‍ક્રીટમાં હલકી કક્ષાની રેતી અને તેમાં સ્‍ટોન ડસ્‍ટ વાપરવામાં આવતા અને સ્‍લેબમાં ઠેર ઠેર તિરાડો જોવા મળતા ગામના સરપંચ સહિતના આગેવાનો ધસી જઇ બાંધકામ બંધ કરી દેવાયું હતું. આ અંગેના અખબારી અહેવાલ બાદ સફાળા જાગેલા તંત્રએ તપાસ માટે કવાયત હાથ ધરી સર્વ શિક્ષાના જિલ્લા પ્રોજેકટ કો-ઓર્ડીનેટર અને જિલ્લા પ્રાથમિક શિક્ષણાધિકારી ભગીરથસિંહ પરમાર દ્વારા ગાંધીનગર સર્વ શિક્ષા અભિયાનની કચેરીમાં આ અંગેનો રિપોર્ટ રજૂ કરવા એજન્‍સીને નોટિસ પાઠવી છે અને હાલમાં કામ બંધ રાખવાની સૂચના આપવામાં આવી છે.
ત્‍યારે હવે ગાંધીનગરનીટિમ દ્વારા તપાસ થયા બાદ આગળની કાર્યવાહી થશે. જો કે સ્‍લેબના કોન્‍ક્રીટના નમૂના લઈ તપાસ કરવામાં આવશે કે પછી તપાસના નામે માત્ર તરકટ જ કરવામાં આવશે તે જોવું રહ્યું તાલુકામાં સર્વ શિક્ષા અંતર્ગત ઓરડાઓના બાંધકામમાં વેઠ ઉતારાતા અને ગુણવત્તા વિહીન કામો થતા બાંધકામના થોડા સમયમાં જ ઓરડાઓ જર્જરિત થવાના આરે પહોંચી જતા હોય છે. અને આજે પણ તાલુકામાં અનેક આવા ઓરડાઓમાં ચોમાસામાં પાણી ટપકવા સહિતની અનેક મુશ્‍કેલીઓ સર્જાઈ રહી છે. ત્‍યારે સમરોલીમાં ઓરડાની ગુણવત્તા સુધારવા માટે યોગ્‍ય તકેદારીના પગલાં લેવાઈ તે જરૂરી છે.
‘‘ડીપીઈઓ ભગીરથસિંહ પરમારના જણાવ્‍યાનુસાર સમરોલીમાં શાળાઓના ઓરડાઓનું બાંધકામ સ્‍થાનિકો દ્વારા અટકાવાતા તે અંગેનો અહેવાલ ગાંધીનગર મોકલવામાં આવેલ છે. અને ગાંધીનગરની ટીમ દ્વારા તપાસ થયા બાદ આગળની કાર્યવાહી થશે. હાલે તો નોટિસ પાઠવી એજન્‍સીને કામ બંધ રાખવા જણાવાયું છે.”

Related posts

તલાવચોરામાં તળાવમાંથી મળી આવેલ યુવતિની લાશના બનાવમાં ચીખલીના પોલીસે સાદકપોર-ગોલવાડના એક યુવાન અને તેના મિત્રોની પૂછપરછ કરી લીધેલા નિવેદન

vartmanpravah

દાનહના રખોલીમાં રહેતા પરપ્રાંતિય પરિવારની 17 વર્ષિય કિશોરીએ હાથની નસ કાપી જીવન ટૂંકાવ્‍યું

vartmanpravah

સેલવાસ નગરપાલિકાએ સેફટીક ટેન્‍કની સફાઈ માટે હેલ્‍પલાઇન નંબર જારી કર્યો

vartmanpravah

ડુંગરીમાં જમીનના હિસ્‍સાની અદાવતમાં કપડા સુકવવાની દોરી તોડી દેરાણીએ જેઠાણી અને ભત્રીજીને માર માર્યો

vartmanpravah

વાપી ભાજપ પરિવાર દ્વારા લોખંડી પુરુષ, ભારત રત્‍ન સરદાર પટેલની પુણ્‍યતિથિજી ઉજવણી કરાઈ

vartmanpravah

સુસ્‍વાગતમ્‌-2025: મીઠી મધુરી કડવી તીખી યાદો સાથે 2024ની વિદાય

vartmanpravah

Leave a Comment