(વર્તમાન પ્રવાહ ન્યુઝ નેટવર્ક)
સેલવાસ, તા.17 : દાદરા નગર હવેલીના દાદરા દેમણી સ્કૂલની બાજુમાં લગાવવામાં આવેલ હાઈમસ્ટ લાઈટ એક મહિના પહેલાંથી બંધ થઈ ગઈ હતી, જેને રીપેર તો કરવામાં આવી હતી, પરંતુ આ લાઈટને થાંભલા ઉપર ચડાવવાને બદલે છ ફુટના અંતરે જ બાંધીને લટકતી રાખી દેવામાં આવેલ છે. આ અંગે ચૂંટાયેલા જન પ્રતિનિધિઓ, પંચાયતના કર્મચારીઓ અને પદાધિકારીઓના ધ્યાનમાં તો હશે જ. છતાં પણ આ હાઈમસ્ટ લાઈટને થાંભલા ઉપર ચડાવવામાં આવતી નથી. આ વિસ્તારમાં સ્ટ્રીટ લાઈટની બાજુમાં બાળમંદિર અને શાળા પણ આવેલી છે જેમાં નાનાં ભૂલકાંઓ ભણવા માટે આવે છે. તેથી જો આ લાઈટ નીચે જ લટકતી હોવાથી ન કરે નારાયણને જો કોઈ મોટી દુર્ઘટના સર્જાય તો એના માટે જવાબદાર કોણ? એવો પ્રશ્ન અહીં પસાર થનારા અને સ્થાનિકોમાં પ્રવર્તી રહ્યો છે. તેથી બહેતર એ રહેશે કે લટકતી હાઈમસ્ટ લાઈટને તાત્કાલિક થાંભલા ઉપર ઊંચે ચડાવી દેવામાં આવે એસમયની માંગ છે.