(વર્તમાન પ્રવાહ વાપી બ્યુરો)
વાપી, તા.19: વાપીના ચલા વિસ્તારમાં આવેલા શિવાલિક હાઈટ્સ બિલ્ડીંગના પટાંગણમાં છેલ્લા 12 વર્ષથી સતત માતાજીના ગરબા મહોત્સવ ઉજવણી કરવામાં આવે છે. જેમાં શિવાલિક હાઈટ્સના રહીશો મોટી સંખ્યામાં જોડાઈ માતાજીની આરાધના કરે છે.
શિવાલિક હાઈટ્સના પ્રમુખ હેમંતભાઈએ જણાવ્યું કે, છેલ્લા 12 વર્ષથી સતત નવરાત્રી મહોત્સવનું ભવ્ય આયોજન કરવામાં આવે છે. આ વર્ષે પણ શારદીયનવરાત્રીનું આયોજન કરવામાં આવ્યું છે. જેમાં રોજીંદા 400 થી વધુ લોકો જોડાય છે. પરંપરાગત બે તાળીના ગરબા અને અત્યાધુની સાઉન્ડ સાથે બાળકો દોઢીયા અને ટ્રેડીશનલ ડ્રેસ સાથે ગરબા રમે છે. આ વર્ષે પણ ખેલૈયાઓમાં ભારે ઉત્સાહ જોવા મળી રહ્યો છે. આયોજનને સફળ બનવવા માટે શિવાલિક હાઈટ્સ પરિવારના સભ્યોનો ખુબ ઉમદા સાથ સહકાર મળી રહ્યો છે.