(વર્તમાન પ્રવાહ વાપી બ્યુરો)
વાપી, તા.31: વાપી નોટિફાઈડમાં વર્ષોથી ફરજ બજાવતા કર્મચારીને દમણમાં હાર્ટ એટેકનો હુમલો આવ્યો હતો. જેમાં તેમનું કરુણ મોત નિપજ્યું હતું. તેઓ પૂત્રને મળવા દમણ ગયા હતા. કમનસીબ ઘટના ઘટી હતી.
વાપી નોટિફાઈડ ઓથોરિટીમાં ફરજ બજાવતા ગંભીરભાઈ પરષોત્તમભાઈ પટેલ (ઉ.55) ગતરોજ દમણ તેમના પૂત્રને મળવા ગયા હતા ત્યારે તેમને હૃદયરોગનો અચાનક હૂમલો આવ્યો હતો અને તેઓ ત્યાં જ મરણ પામ્યા હતા. ઘટના બાદગંભીરભાઈનું પી.એમ. સરકારી હોસ્પિટલમાં પોલીસે કરાવી મૃતદેહ પરિવારજનોને સોંપ્યો હતો. અત્યંત મિલનસાર સ્વભાવ ધરાવતા ગંભીરભાઈના અવસાનના સમાચાર નોટિફાઈડ કર્મચારીઓને મળતા ઘેરા શોકની લાગણી ફેલાઈ હતી. ઉલ્લેખનીય છે કે, છેલ્લા કેટલાક સમયથી ગુજરાતભરમાં ચિંતાજનક હાર્ટ એટેકના હુમલા વધી રહ્યા છે. તેવા વધુ એક બનાવમાં વાપી નોટિફાઈડ કર્મચારી પરિવારે પોતાનો એક સાથી મિત્ર ગુમાવ્યો હતો.
