કમ્બાઈન્ડ ક્રિકેટ ટીમમાં દમણના વ્રજ કામલી અને યશ સારંગકરની પણ થયેલી પસંદગી
(વર્તમાન પ્રવાહ ન્યુઝ નેટવર્ક)
દમણ, તા.03 : ગત તા.30મી નવેમ્બરના રોજ ગુજરાત ક્રિકેટ એસોસિએશન દ્વારા આયોજીત રિલાયન્સ આંતર જિલ્લા ટુર્નામેન્ટ માટે કમ્બાઈન્ડ ટીમની પસંદગી હેતુ અમદાવાદના જીસીએ ગ્રાઉન્ડ ખાતે એક મેચનું આયોજન કરવામાં આવ્યું હતું. જેમાં દમણના ત્રણ ખેલાડીઓ (1)જાનવ કામલી (2)વ્રજ કામલી અને (3)યશ સારંગકરે ભાગ લીધો હતો. કમ્બાઈન્ડ જિલ્લા ટીમના કેપ્ટન તરીકે શ્રી જાનવ પટેલની પસંદગી થતાં દમણ-દીવ ક્રિકેટ એસોસિએશન સહિત સમગ્ર પ્રદેશમાં આનંદની લાગણી છવાઈ જવા પામી છે. શ્રી જાનવ કામલીને કેપ્ટન તરીકે પસંદ કરવા સાથે દમણના અન્ય બે ખેલાડીઓની પસંદગીપણ કમ્બાઈન્ડ જિલ્લા ટીમમાં થવા પામી હોવાની જાણકારી દમણ-દીવ ક્રિકેટ એસોસિએશનના સેક્રેટરી શ્રી ઉમેશ ભંડારીએ આપી હતી.