(વર્તમાન પ્રવાહ ન્યુઝ નેટવર્ક)
સેલવાસ, તા.05 : સેલવાસથી સામરવરણી તરફ જતા રીંગ રોડ પર સામરવરણીથી સાયલી રોડ તરફ આવી રહેલ ટેમ્પો નંબર ડીએન 09 જે 9850ના ચાલકે સ્ટીયરીંગ પર કાબુ ગુમાવતા ડિવાઈડર કુદાવી સામેની સાઈડ પર પાર્ક કરેલ સ્કૂલ બસ સાથે ટેમ્પો ધડાકાભેર ટકરાવ્યો હતો. જેના કારણે બે સ્કૂલ બસને મોટું નુકસાન થયું હતું. ઘટનાની જાણ ટ્રાફિક પોલીસને થતાં તેમની ટીમ પહોંચી હતી અને ટેમ્પોચાલકની અટક કરી હતી.
પોલીસ તપાસમાં ટેમ્પોચાલક દારૂના નશામાં ધુત હતો. સદ્નશીબે અકસ્માત સમયે સ્કૂલ બસ ખાલી હતી. જેના કારણે જાનહાનીની ઘટના ટળી હતી.
