(વર્તમાન પ્રવાહ ન્યુઝ નેટવર્ક)
સેલવાસ,તા.10: આજે સેલવાસના આમલી વિસ્તારમા આવેલ ઇલેક્ટ્રોનિકસ સામાનની દુકાનમાં વહેલી સવારે આગ લાગતા દોડધામ મચી ગઈ હતી.
પ્રાપ્ત વિગત અનુસાર આમલી ફુવારા નજીક આવેલ સુપર ઇલેક્ટ્રોનિક્સ નામની દુકાનમાં વહેલી સવારમાં અચાનક આગ લાગતા દુકાનમાંથી ધુમાડો નીકળતા જોતા આજુબાજુના લોકોએ દુકાનના માલિક અને ફાયર વિભાગને ફોન કરતા ફાયરની ટીમ પહોંચી હતી અને દુકાનનું શટર ખોલી અંદર લાગેલ આગને કાબૂમાં લેવાનો પ્રયાસ કર્યો હતો. અડધા ભારે કલાકની જેહમત બાદ આગ પર કાબુ મેળવવામાં સફળતા મળી હતી.
ઘટનાની જાણ થતાં પોલીસની ટીમ પણ પહોંચી ગઈ હતી. આગ લાગવાનું કારણ જાણી શકાયું નથી. દુકાનમાં રાખવામાં આવેલ સામાનને આગ લાગવાને કારણે નુકસાન થયેલ છે.
