મોપેડ ઉપર આવેલ બે યુવાનો થેલો કાપી ફરાર : ઘટના સીસીટીવીમાં કેદ
(વર્તમાન પ્રવાહ વાપી બ્યુરો)
વાપી, તા.14: ગઠીયા અને તસ્કરો ક્યાં કેવી રીતે ધાપ મારે તેનું કંઈ નક્કી નથી. વાપી વિસ્તાર હવે ધોળા દિવસે પણ અસુરક્ષિત હોવાની ઘટના આજે બપોરે ઈમરાનનગર મસ્જીદ સામે વાપીમાં ઘટી હતી. રેગ્યુલર બાઈક ઉપર બીડી સિગારેટ-ગુટખાનો સામાન રાખી વેચાણ કરી રહેલ વેપારીએ ઈમરાનનગરમાં બાઈક પાર્ક કરી દુકાને વેપારીને સિગારેટ બાઈક ઉપરથી 50 થઈ 60 હજારનો સામાન ભરેલો થેલો કાપી ફરાર થઈ ગયા હતા.
વાપી ઈમરાનનગર મસ્જીદ કોમ્પલેક્ષમાં રોજની જેમ આજે ગુરુવારે પાન મસાલા-સિગારેટનો વેપારી અશોકભાઈ સંભાજી તેની બાઈક ઉપર માલનો જથ્થો લાદી વેચાણ માટે આવેલો બાઈક પાર્ક કરી દુકાને સિગારેટ આપવા ગયો તે દરમિયાન મોપેડ ઉપર આવેલ બે યુવકો બાઈકમાં બાંધેલ 50 થી 60 હજારની સિગારેટ ભરેલો થેલો કાપી ફરાર થઈ ગયા હતા. ઘટના આખી સીસીટીવીમાં કેદ થઈ હતી. અશોક સંભાજીએ ટાઉન પોલીસમાં લેખિત ફરિયાદ નોંધાવી હતી.
