સંઘપ્રદેશ દાદરા નગર હવેલી અને દમણ-દીવના બોક્સર સુમિતે 63-67 કિલોગ્રામ વેટ કેટેગરીમાં વ્યક્તિગત સ્પર્ધામાં ક્વાર્ટર ફાઈનલમાં શાનદાર રમતનું પ્રદર્શન કરતાંમણિપુરના બોક્સર શિનમ અલાર સિંગને 5-0થી હાર આપી નિશ્ચિત કર્યો પદક
(વર્તમાન પ્રવાહ ન્યુઝ નેટવર્ક)
દમણ, તા.22: રમતગમતના પાયાના સ્તરે વિકાસને પ્રોત્સાહન આપવાની અને રમતગમતની પ્રતિભાઓને ખીલવવાની પ્રધાનમંત્રી શ્રી નરેન્દ્રભાઈ મોદીની અતૂટ કટિબદ્ધતાન પહેલથી ‘ખેલો ઇન્ડિયા યૂથ ગેમ્સ-2024′ તમિલનાડુના ચેન્નઈ, મદુરાઈ, તિરૂચિરાપલ્લી અને કોઈમ્બતૂર શહેરોમાં યોજાઈ રહ્યો છે. જેનું ઉદ્ઘાટન 19મી જાન્યુઆરીના રોજ સ્વયં પ્રધાનમંત્રીશ્રીના હસ્તે જ કરવામાં આવ્યું હતું.
તમિલનાડુ ખાતે યોજાઈ રહેલા ‘ખેલો ઇન્ડિયા યૂથ ગેમ્સમાં ભારતનાં તમામ 36 રાજ્યો અને કેન્દ્રશાસિત પ્રદેશોનાં રમતવીરો ભાગ લઈ રહ્યા છે. જેમાં કેન્દ્ર શાસિત પ્રદેશ દાદરા નગર હવેલી અને દમણ-દીવના બોક્સર શ્રી સુમિત પણ ભાગ લઈ રહ્યા છે. સંઘપ્રદેશના બોક્સર શ્રી સુમિતે 63-67કિલોગ્રામ વેટ કેટેગરીમાં વ્યક્તિગત સ્પર્ધામાં ક્વાર્ટર ફાઈનલમાં મણિપુરના બોક્સર શ્રી શિનમ અલાર સિંગ સાથે સ્પર્ધામાં ઉતરી શાનદાર પ્રદર્શન કર્યું હતું અને 5-0થી હરાવી સેમી ફાઈનલમાં પ્રવેશ કર્યો છે. આ જીત સાથે શ્રી સુમિતે ‘ખેલો ઈન્ડિયા યૂથ ગેમ્સ’માં સંઘપ્રદેશ માટે પદક નિﾍતિ કર્યો છે. શ્રી સુમિતે કરેલા શાનદાર દેખાવથી પોતાના નામની સાથે સાથે સંઘપ્રદેશનું નામ પણ રોશન કર્યું છે. જે સંઘપ્રદેશ માટે ગૌરવની બાબત છે.
‘ખેલો ઈન્ડિયા યૂથ ગેમ્સ’ તમિલનાડુના 4 શહેરોમાં યોજાઈ રહ્યો છે જેમાં યુવા ખેલાડીઓ માટે વિવિધ સ્પર્ધાઓ રાખવામાં આવી છે. આ સ્પર્ધામાં સંઘપ્રદેશના ખેલાડી તેમનું સુંદર પ્રદર્શન કરી રહ્યા છે.
