શોર્ટસર્કિટથી આગ લાગ્યાનું પ્રાથમિક અનુમાન : ઈજાગ્રસ્ત કોઈ નહી
(વર્તમાન પ્રવાહ વાપી બ્યુરો)
વાપી, તા.09: વાપી બજારમાં કાર્યરત નોવેલ્ટી સ્ટોર્સમાં આજે શુક્રવારે 11 વાગ્યાના સુમારે અચાનક આગ ભભુકી ઉઠતા નાસભાગ સાથે દોડધામ મચી જવા પામી હતી.
વાપી બજારમાં આવેલ એક નોવેલ્ટી સ્ટોર્સમાં સવારે 11 વાગ્યાના સુમારે અચાનક આગ લાગી હતી. આગ એટલી પ્રચંડ હતી કે ધુવાડાના ગોટેગોટા વાતાવરણમાં છવાઈ ગયા હતા. ભરબજાર હોવાથી અસંખ્ય લોકો એકઠા થઈ ગયા હતા. તુરત પાલિકા ફાયર બ્રિગેડની જાણ કરવામાં આવતા ફાયર બ્રિગેડ પાસે જ હોવાથી તુરત ધસી આવી હતી. થોડી જહેમત ઉઠાવીને આગ ઉપર કાબુ કરી લેવાયો હતો. આગની ઘટનામાં કોઈ દાઝ્યુ હોય કે ઘાયલ થયુ નહોતું.દુકાન માલિક અને ગ્રાહક સમય સુચકતાથી બહાર ધસી ગયા હતા. આગ લાગવાનું પ્રાથમિક તારણ શોર્ટસર્કિટ થઈ હોવાનું અનુમાન કરાઈ રહ્યું છે.
