ટ્રાફિક સમસ્યાને હળવી કરવા ઝîડાચોક સ્કૂલની પાછળ આઈ.ટી.આઈ. રોડ પરની ખુલ્લી જગ્યામાં સ્કૂલવાન અને ઈલેક્ટ્રીક બસને થોભાવવામાં આવે ઍવી માંગ
(વર્તમાન પ્રવાહ ન્યુઝ નેટવર્ક)
સેલવાસ, તા.21: સેલવાસના ઝંડાચોક વિસ્તારમાં આવેલ સરકારી શાળામાં હાલમાં ત્રણ શિફટમાં ગુજરાતી, હીન્દી અને અંગ્રેજી માધ્યમના ત્રણ હજારથી વધુ વિદ્યાર્થીઓ ભણવા આવે છે. જેમાંથીકેટલાક વિદ્યાર્થીઓ સ્કૂલવાન અને સરકારી ઇલેક્ટ્રીક બસમાં બેસીને આવતા-જતા હોય છે. પરંતુ અહીં સ્કૂલવાન અને બસ થોભવના કારણે વારંવાર ટ્રાફિકજામની સમસ્યા ઉભી થાય છે અને સ્કૂલવાનમાં બેસવા આવતા નાના બાળકો તેમની મસ્તીમાં રહેતા હોય છે, જેના કારણે અકસ્માત થવાની પણ સંભાવના છે.
શિક્ષણ વિભાગ દ્વારા આ ટ્રાફિક સમસ્યાને હળવી કરવા માટે ઝંડાચોક સ્કૂલની પાછળ આઈ.ટી.આઈ. રોડ પર ખુલ્લી જગ્યા છે એ જગ્યા પર સ્કૂલવાન અને ઇલેક્ટ્રીક બસને થોભાવવામાં આવે તો ઝંડાચોક મેઇનરોડ પર ટ્રાફિકની સમસ્યા થોડી હળવી થઈ શકે એમ છે.
