(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.27: ચીખલીમાં તાલુકા ભાજપ પ્રમુખ મયંકભાઈ પટેલ, સિંચાઈ અધ્યક્ષ નિકુંજભાઈ, તાલુકા પંચાયતના પ્રમુખ રાકેશભાઈ, પૂર્વ પ્રમૂખ કલ્પનાબેન ગાવિત, પૂર્વ કારોબારી અધ્યક્ષ ધર્મેશભાઈ પટેલ, જિલ્લાના કિસાન મોરચાના આઈટી સેલના ઈન્ચાર્જ દીપકભાઈ સોલંકી સહિતનાની ઉપસ્થિતિમાં યોજાયેલ બેઠકમાં જિલ્લા ભાજપના ઉપપ્રમુખ જિજ્ઞાબેને કાર્યકરોને માર્ગદર્શન આપતા જણાવ્યું હતું કે, આગામી 1 થી 5 માર્ચ દરમ્યાન યોજાનારા લાભાર્થી સંપર્ક અભિયાનમાં કિસાન સન્માન નિધિ, વિનામૂલ્યે અનાજ આપવાની યોજના, આયુષ્યમાન કાર્ડ, પ્રધાનમંત્રી આવાસ, ઉજ્જવલા યોજના સહિતની વ્યક્તિગત લાભની યોજનાઓના લાભાર્થીઓ સાથે સંવાદ કરી તેમની પ્રતિક્રિયા જાણવાનો પ્રયત્ન કરવાનો રહેશે. અને ફોટા સહિતની જરૂરી વિગત સરલ એપમાં અપલોડ કરવાનું પણ ઉમેર્યું હતું.
તાલુકા ભાજપ પ્રમુખ મયંકભાઈ પટેલે પણ ગાંવ ચલો અભિયાનને સફળતાપૂર્વક પાર પાડવા માટે કાર્યકરોને અભિનંદન પાઠવી આગામી દિવસોમાં ઘરે ઘર લાભાર્થીઓનો સંપર્ક કરી લાભાર્થી સંપર્ક અભિયાનને સફળ બનાવવા અનુરોધ કર્યોહતો.
