આરોપી વિશાલ ઉર્ફે ગંજુ જી.યુ. પાટીલ પાસેથી 25 હજારની કિંમતની પિસ્તોલ મળી આવી
(વર્તમાન પ્રવાહ વાપી બ્યુરો)
વાપી, તા.28: વાપી એસ.ઓ.જી. આજે પેટ્રોલીંગમાં હતી ત્યારે વાપી બલીઠા વલસાડી જકાતનાકા પાસેથી દેશી બનાવટની પિસ્તોલ સાથે એક યુવાનને ઝડપી પાડયોહતો.
એસ.ઓ.જી. પોલીસ ઈન્સ્પેક્ટર એ.યુ. રોઝ, પો.સ.ઈ. આર.કે. મિષાી, એ.એસ.આઈ. અશોકકુમાર, હે.કો. રમણ બહાદુરસિંહ, પો.કો. યુસુફભાઈ, પો.કો. મોહંમદ સુફી તથા પો.કો. નવિનકુમાર અને ટીમે આજે બલીઠા પુલ વલસાડ જકાતનાકા પાસેથી શંકાસ્પદ જણાતા યુવકને ઉભો રાખી તપાસ કરી નામ સરનામું પૂછતા યુવકે પોતાનું નામ વિશાલ ઉર્ફે ગંજુ જી.યુ. પાટીલ રહે.છરવાડા ગામ પ્રમુખ હિલ્સ સોસાયટી સામે જણાવેલું. તપાસ દરમિયાન આરોપી પાસેથી 25 હજારની કિંમતની દેશી બનાવટની પિસ્તોલ મળી આવતા ધરપકડ કરી હતી. આરોપી ગુનાહિત ઈતિહાસ ધરાવે છે. અગાઉ ચેઈન સ્નેચીંગનો ગુનો કરી ચૂક્યો છે. એસ.ઓ.જી.એ આરોપી વિરૂધ્ધ આર્મ્સ એક્ટ હેઠળ ગુનો નોંધાવી આરોપીને વાપી ટાઉન પોલીસને વધુ તપાસ માટે સુપર કર્યો હતો.