મિલકત વેરામાં 10 ટકાનો વધારો મંજુર કરાયો
મહાનગરપાલિકા બનાવવા અંગે જરૂરી દરખાસ્ત સરકારમાં મોકલાવાશે
(વર્તમાન પ્રવાહ વાપી બ્યુરો)
વાપી, તા.07: વાપી નગરપાલિકાની ખાસ સામાન્ય સભા નગરપાલિકા હોલમાં આજે ગુરૂવારે યોજાઈ હતી. જેમાં એજંડા ઉપરના કામોને વિધિવત મંજુરી અપાઈ હતી.
વાપી નગરપાલિકા પ્રમુખ શ્રી કાશ્મિરાબેન શાહની અધ્યક્ષતામાં ખાસ સામાન્ય સભા યોજાઈ હતી. સભામાં ઉપ પ્રમુખ અભયભાઈ શાહ કારોબારી ચેરમેન મિતેશભાઈ દેસાઈ અને કોર્પોરેટર ઉપસ્થિત રહ્યા હતા. ખાસ સામાન્ય સભામાં ગુજરાત હાઉસિંગ ડેવલોપમેન્ટ તેમજ નાણામંત્રી કનુભાઈ દેસાઈને વાપી નગરપાલિકા બનાવવા અંગે મંજુરી દરખાસ્ત મોકલવાનો નિર્ણય લેવાયો હતો. સામાન્ય સભામાં ખાસ મહત્ત્વનો નિર્ણય એ લેવામાં આવ્યો હતો કે બે વર્ષની જોગવાઈ અનુસાર મિલકત વેરામાં 10 ટકાનો વધારો ક્ષેત્રફળ મુજબ કરવા ખાસ એજંડા મુજબ પાસ કરવામાં આવ્યો હતો. આ ખાસ સામાન્ય સભા હોવાથી બીજા કામો એજંડામાં સમાવેશ કરાયો હતો. તમામ નિર્ણયો સામાન્ય સભામાં સર્વાનુમતેલેવાયા હતા. ઉલ્લેખનીય છે કે, સરકારની મહાનગર બનાવવાની સૈધાંતિક મંજુરી આવ્યા બાદ બીજા નવિન અનેક ફેરપાર અને કામગીરી પાલિકાના દાયરામાં આવશે એ નક્કી છે.
—-
