પાછળની સીટ કાઢી નંખાયેલ કારમાં દોરડા, ચપ્પુ, ઈન્જેકશન, ટેપ, ફૂટપટ્ટી તથા બોગસ નંબર પ્લેટ મળી
(વર્તમાન પ્રવાહ વાપી બ્યુરો)
વાપી, તા.11: ધરમપુર ચોકડી હાઈવે ઉપર ગત રાતે સીટી પોલીસની ટીમ પેટ્રોલીંગમાં હતી ત્યારે સર્વિસ રોડ ઉપર પાર્ક કરેલ ગૌતસ્કરીમાં વપરાતી હોય તેવી બિનવારસી કાર મળીઆી હતી. પોલીસે કાર ડીટેઈન કરી વધુ તપાસ હાથ ધરી છે.
વલસાડ સીટી પોલીસ નાઈટ પેટ્રોલીંગમાં હતી ત્યારે ધરમપુર ચોકડી હાઈવે સર્વિસ રોડ ઉપરથી ગ્રે કલરની જીજે 15 સીડી 8028 નંબરની કાર બિનવારસી મળી આવી હતી. પોલીસને શંકા જતા કારમાં તપાસ કરી તો પાછળની સીટ કાઢી નંખાયેલી હતી તેમજ કારમાં ચપ્પુ, ઈન્જેકશન, સાત દોરડા, કારની ચાવી અને એક એમએચ 15 સીએમ 0353 નંબરની બોગસ નંબર પ્લેટ મળી આવતા પોલીસને શંકા પડી હતી કે આ કાર ગૌતસ્કરોની જ. તેથી કારને ડીટેઈન કરી સીટી પોલીસ સ્ટેશન લવાઈ હતી. આગળની વધુ તપાસ પોલીસે હાથ ધરી હતી.
