(વર્તમાન પ્રવાહ ન્યુઝ નેટવર્ક)
સેલવાસ, તા.17: સેલવાસ ખાતેના ગુજરાત નેશનલ લૉ યુનિવર્સિટી કેમ્પસ અને લીગલ સર્વિસીસ કમિટી દ્વારા ઇન્ડિયન રેડક્રોસ સોસાયટીના સહયોગથી બોયઝ હોસ્ટેલના પરિસરમાં રક્તદાન શિબિરનું આયોજન કરવામાં આવ્યું હતું. આ શિબિરમાં યુવાઓ અને યુવતીઓએ મોટી સંખ્યામાં રક્તદાન કર્યું હતું જેમાં 45 યુનિટ જેટલું રક્ત એકત્ર થયું હતું. આ અવસરે સેલવાસની શ્રી વિનોબા ભાવે સિવિલ હોસ્પિટલના ડૉ. દેવેન મકવાણા, રેડક્રોસ સોસાયટીના મુખ્ય ચિકિત્સા અધિકારી ડૉ. રાજેશ શાહ, આસિસ્ટન્ટ પ્રોફેસર નંદિતા ગુંગનાની, જીએનએલયુ ગાંધીનગરના સહાયક પ્રોફેસર હાર્દિક પારેખ સહિત ઇન્ડિયન રેડક્રોસ સોસાયટીના કર્મચારીઓ, વિદ્યાર્થીઓ તથા રક્તદાતાઓ ઉપસ્થિત રહ્યા હતા.
