(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.01: ચીખલી તાલુકાના પીપલગભણ ગામેથી પસાર થતી ખરેરા નદીમાં નાહવા માટે ગયેલ 11 વર્ષીય બાળકનું પાણીમાં ડૂબી જતાં મોત નીપજતા પંથકમાં ભારે ગમગીની ફેલાઈ જવા પામી હતી.
પ્રાપ્ત માહિતી અનુસાર ચીખલી તાલુકાના પીપલગભણ ગામના મટકી ફળીયા ખાતે રહેતા ધનસુખભાઈ કાંતુભાઈ નાયકા પટેલ (ઉ.વ.આ.35) એ ચીખલી પોલીસ મથકે આપેલ ફરિયાદ અનુસાર એમનો મોટો દીકરો પ્રિન્સ (ઉ.વ.આ-11) જે સોમવારની બપોરના એકાદ વાગ્યાના સમયે ગામના અન્ય 10 થી 12 જેટલા છોકરા સાથે ગામમાંથી પસાર થતી ખરેરા નદી ખાતે નાહવા માટે ગયો હતો. દરમ્યાન અન્ય છોકરો ત્રણેક વાગ્યાના સુમારે પરત ઘરે આવી ગયા પરંતુ પ્રિન્સ પરત ઘરે ન આવતા પરિવારજનોએ જેની શોધખોળ આદરતા ગામમાંથી પસાર થતી ખરેરાનદીમાંથી જેની લાશ મળી આવતા પોલીસે લાશનો કબ્જો લઈ પીએમ કરાવવાની તજવીજ હાથ ધરી હતી. બનાવની વધુ તપાસ પીએસઆઈ જે.બી.જાદવ કરી રહ્યા છે.
Next Post