(વર્તમાન પ્રવાહ ન્યુઝ નેટવર્ક)
સેલવાસ, તા.23: આજે દાદરા નગર હવેલીના સેલવાસ-નરોલી ચાર રસ્તા નજીક લીમડાનું ઝાડ અચાનક તૂટી પડયું હતું. આ ઝાડ તૂટી પડવાના કારણે રસ્તા ઉપર બંને બાજુ થોડા સમય સુધી ટ્રાફિકજામ સર્જાયો હતો. આ બાબતે ટ્રાફિક પોલીસ દ્વારા ફાયર વિભાગને જાણ કરતા ફાયર ફાઈટરોની ટીમ તાત્કાલિક ઘટના સ્થળે પહોંચી હતી અને રસ્તા વચ્ચે ધરાશાયી થયેલા લીમડાના ઝાડને ઈલેક્ટ્રીક કટર વડે કાપીને રસ્તાને ખુલ્લો કર્યો હતો. ત્યારબાદ ટ્રાફિક પણ હળવો થયો હતો.
