થર્ડ ફેઈઝમાં આવેલ એઆઈએમ કેમિકલ કંપનીમાં ઘટેલી ઘટના
(વર્તમાન પ્રવાહ વાપી બ્યુરો)
વાપી, તા.26: વાપી જીઆઈડીસી થર્ડ ફેઈઝમાં આવેલ એક કેમિકલ કંપનીમાં એસિડની સ્ટોરેજ ટેન્કનો વાલ્વ તૂટી જતા આખી કંપની પરિસર અને બહાર રોડ સુધી એસિડના ખાબોચિયા ભરાઈ ગયા હતા. ઘટના બાદ ભારે દોડધામમચી જવા પામી હતી.
વાપી જીઆઈડીસી થર્ડ ફેઈઝ પ્લોટ નં.1401/3માં કાર્યરત એ.આઈ.એમ. કંપનીમાં શનિવારે કંપનીના એસિડ સ્ટોરેજ ટેન્કનો વાલ્વ અચાનક તૂટી જતા એસિડના રેલાઓ પરિસર સહિત કંપની બહાર ફેલાઈ ગયા હતા. ક્યાંક તો ખાબોચીયા ભરાઈ ગયા હતા. ટાંકીના ખરાબ થઈ ગયેલા વાલ્વ અંગે કંપનીએ દાખવેલી નિષ્કાળજીને લઈ ઘટના ઘટી હોવાનું મનાઈ રહ્યું છે. એસિડના ફેલાવા બાદ ધુવાડા સાથે તિવ્ર વાસ આવતા કામદારોના નાક ચચરાતા રહેલા એસિડ લીકેજની માત્રા એટલી બધી હતી કે બહાર ગટર લાઈનમાં પણ એસિડ વહ્યો હતો. ઢોળાયેલ એસિડ ઉપર કંપની સંચાલકો ચુનો નાખી તેની જલદતા સામાન્ય કરી હતી. બનાવમાં કોઈ જાનહાની કે ગુંગળામણની ઘટના બની ન હતી. બનાવ આકસ્મિક હોવાનું અનુમાન લગાડવામાં આવ્યું હતું. ઘટના બાદ જી.પી.સી.એ વિઝીટ કરવા સાથે વધુ તપાસ હાથ ધરી હતી.
