(વર્તમાન પ્રવાહ ન્યુઝ નેટવર્ક)
સેલવાસ, તા.29 : સેલવાસ-પીપરીયા રીંગરોડના સર્વિસ રોડ પરથી આમલી 66કેવી રોડ તરફ ટેમ્પો નંબર ડીએન-09 ક્યુ-9828 આવી રહ્યો હતો અને નગરપાલિકા રોડથી પીપરીયા પુલ તરફ બ્રીઝા કાર નંબર ડીડી-01 એ-6504ના ચાલક સુધીર રમન પાઠક આવી રહ્યા હતા. તેઓએ ગફલતભરી રીતે ગાડીને ટર્ન મારવાનો પ્રયાસ કરતા સામેથી આવી રહેલ ટેમ્પોમાં ધડાકાભેર ટકરાયા હતા, જેમાં કારચાલક સુધીર પાઠકને ઈજા પહોંચી હતી. તેમની કારને પણ નુકસાન થયું હતું. આ અકસ્માતને જોતા નજીકમાં ટેમ્પો સ્ટેન્ડ પર ઉભેલા લોકો દોડી આવ્યા હતા અને ઈમરજન્સી 108 એમ્બ્યુલન્સને બોલાવી સુધીર પાઠકને સારવાર અર્થે ખાનગીહોસ્પિટલમાં ખસેડાયા હતા.