કુકેરી સેવા સહકારી મંડળીમાં પચાસ વર્ષના ઈતિહાસમાં
પ્રથમ વખત ચૂંટણી યોજાઈ હતી
(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.18: કુકેરી સેવા સહકારી મંડળી લિ.કુકેરીની વ્યવસ્થાપક કમિટીના સભ્યોની 11-બેઠક માટે સહકાર પેનલના 11-ઉમેદવારો સામે ત્રણ જેટલા ઉમેદવારો હોય કુલ 14-જેટલા ઉમેદવારો મેદાનમાં હતા. આ ચૂંટણી માટે સોમવારના રોજ સેવા સહકારી મંડળીના મકાનમાં મતદાન યોજાતા કુલ 214-જેટલા ખેડૂત સભાસદ મતદારો પૈકી 205 જેટલા મતદારોએ મતદાન કર્યું હતું. મતદાન બાદ મતગણતરી હાથ ધરાતા સહકાર પેનલના કનુભાઈ છગનભાઈ પટેલને 147,ગણપતસિંહ રામસિંહ પરમાર ને 172, જયસિંહ ગુમાનસિંહ પરમારને 171, ધીરજસિંહ છીતુસિંહ પરમારને 167, નવનીતભાઈ ભગાભાઈ પટેલને 169, નિલેશસિંહ ઠાકોરસિંહ પરમારને 171, બાલમુકુંડ ડાહ્યાભાઈ પરમારને 172, વિરેન્દ્રસિંહ દુર્લભસિંહ પરમારને 167, હર્ષદસિંહ જયસિંહ પરમારને 160, અરવિંદભાઈ બેલિયાભાઈ પટેલને 131 અને ઈશ્વરસિંહ રામસિંહ પરમારને 148 મતો મળતા ઉપરોક્ત તમામ સહકાર પેનલના ઉમેદવારોને ચૂંટણી અધિકારી દ્વારા વિજેતા જાહેર કરાયા હતા. ચૂંટણીમાં 30-જેટલા મતો ખોટા પડ્યા હતા.
કુકેરી સેવા સહકારી મંડળીની ચૂંટણીમાં સહકાર પેનલના તમામ 11-જેટલા ડિરેક્ટરો ચૂંટાઈ આવતા તેમના સમર્થકોમાં આનંદની લાગણી છવાઈ જવા પામી હતી.
