ઝેડઆરયુસીસી વેસ્ટર્ન રેલવે પૂર્વ અધ્યક્ષ કલ્પેશ બારોટ અને એસ.યુ.આઈ.ના જનરલ સેક્રેટરી વિશાલ પ્રજાપતિએ આવેદનપત્ર આપ્યું
(વર્તમાન પ્રવાહ વાપી બ્યુરો)
વાપી, તા.20: વાપીથી સુરત વચ્ચે દોડતી ટ્રેનોમાં મોટાપાયે ગેરકાયદે બેફામ દારૂની હેરાફેરી થાય છે તેને અટકાવવા માટે ઝેડઆરયુસીસી વેસ્ટર્ન રેલવેના પૂર્વ સદસ્ય કલ્પેશ બારોટ અને સુરત કોંગ્રેસ એન.એસ.યુ.આઈ.ના જનરલ સેક્રેટરી વિશાલ પ્રજાપતિ તેમનાસમર્થકો સાથે જી.આર.પી. રેલવે પોલીસ સ્ટેશનમાં પહોંચ્યા હતા.
વેસ્ટર્ન રેલવે વાપીથી સુરત વચ્ચે દોડતી ટ્રેનોમાં હજારો પેટી દારૂની બિંદાસ હેરાફેરી જી.આર.પી.ની રહેમ નજર હેઠળ થઈ રહી છે. તેને અટકાવવાની માંગણી સાથે ઝેડઆરયુસીસી વેસ્ટર્ન રેલવેના પૂર્વ સદસ્ય કલ્પેશ બારોટ અને સુરત કોંગ્રેસ એનએસયુઝેડના સેક્રેટરી વિશાલ પ્રજાપતિના નેતૃત્વમાં સેંકડો સમર્થકો સાથે જીઆરપી રેલવે પોલીસ સ્ટેશનમાં પહોંચી ટ્રેનમાં દારૂ હેરાફેરી અટકાવવા આવેદનપત્ર પાઠવ્યું હતું. તથા તેમણે આક્ષેપ કર્યો હતો કે કોન્સ્ટેબલ પ્રવિણ બારીયાની બદલી કેમ થતી નથી. રેલવેમાં દારૂ હેરાફેરીની લડત અમારી લાંબા સમયથી ચાલી રહે છે. ન્યાય નહિ મળે તો ઉગ્ર આંદોલનની પણ ચીમકી અપાઈ હતી.