(વર્તમાન પ્રવાહ વાપી બ્યુરો)
વાપી, તા.23: આંતરરાષ્ટ્રીય યોગ દિવસ નિમિત્તે, હાર્દિક જોશી કરાટે એકેડેમીના વિદ્યાર્થીઓએ એક ખાસ યોગ સત્ર કરવા માટેનું આયોજન કરવામા આવ્યું હતું. જેમાં શારીરિક, માનસિક અને આંતરિક શક્તિ પ્રત્યેનું સમર્પણ દર્શાવ્યું હતું. 2001 માં તેની શરૂઆત થઈ ત્યારથી, હાર્દિક જોશી કરાટે એકેડમી માર્શલ આર્ટ અને યોગ તાલીમને એકીકળત કરી વિશિષ્ટ તાલીમ વિદ્યાર્થીઓને આપી રહ્યા છે.
શ્રી હાર્દિક જોષીએ ગર્વથી જણાવ્યું હતું કે, બે દાયકાથી વધુ સમયથી, અમે માર્શલ આર્ટ અને યોગ પ્રશિક્ષણના વિશિષ્ટ સંયોજનને પ્રદાન કરી રહ્યા છે. આ ટ્રેનિંગથી હજારો વિદ્યાર્થીઓને ફાયદો થયો છે,તેમની શારીરિક ક્ષમતા, માનસિક સ્થિતિસ્થાપકતા અને આંતરિક શક્તિમાં વધારો થયો છે.
માર્શલ આર્ટ ગતિ દ્વારા શિસ્ત શીખવે છે, યોગ શાંતિ દ્વારા શિસ્ત શીખવે છે. આ સંયોજનથી સંતુલિત આત્માનો વિકાસ થાય છે.
