(વર્તમાન પ્રવાહ ન્યુઝ નેટવર્ક)
સેલવાસ, તા.03 : સેલવાસના રીંગરોડ નજીક આવેલ અથશ્રી સોસાયટીમા ત્રીજા માળે રહેતા રહીશે બપોરના સમયેએમનું ઈલેક્ટ્રીક મોપેડ બિલ્ડિંગ નીચે શેડમાં ચાર્જીંગ કરવા માટે મુક્યુ હતું. ત્યારબાદ તેઓ પોતાના ઘરે જતા રહ્યા હતા. બે કલાકના સમય બાદ અચાનક ઈલેક્ટ્રીક મોપેડમાંથી ધુમાડો નીકળ્યો હતો અને જોતજોતામાં આગ પકડી લીધી હતી. જે સ્થાનિક બિલ્ડિંગના લોકોએ જોતા ફાયર વિભાગને ટેલીફોનિક જાણ કરી બોલાવતા ફાયર વિભાગની ટીમે આગ પર કાબુ મેળવ્યો હતો. જેના કારણે બાજુમાં પાર્ક કરવામાં આવેલ બાઈકો બચી ગઈ હતી. આ ઘટનામાં ઈલેક્ટ્રીક મોપેડ સંપૂર્ણ બળીને ખાખ થઈ ગયું હતું.
