November 30, 2025
Vartman Pravah
Breaking NewsOtherડિસ્ટ્રીકટદમણદીવદેશસેલવાસ

‘‘ફેમિના મિસ ઇન્‍ડિયા યુનિયન ટેરેટરી-2024”નો એવોર્ડ સેલવાસની યુવતિ રેખા પાંડેના ફાળે

(વર્તમાન પ્રવાહ ન્‍યુઝ નેટવર્ક)
સેલવાસ, તા.22 : મુંબઈ ખાતે આયોજીત ‘ફેમિના મિસ ઇન્‍ડિયા યુનિયનટેરેટરી-2024’નો ખિતાબ દાદરા નગર હવેલીની યુવતિ કુ. રેખા પાંડેએ જીતી લેતા પ્રદેશમાં ખુશીનો માહોલ છવાયો છ.
કુ. રેખા પાંડેનો જન્‍મ સામાન્‍ય પરિવારમાં થયો હતો, એમના પિતા શ્રી વિનોદ પાંડે સેલવાસમાં એક નાનો ઢાબો ચલાવી એમના પરિવારનું ગુજરાન ચલાવે છે. કુ. રેખાની સફર આસાન ન હતી, પરંતુ એમણે સંઘર્ષને એક અવસરમાં બદલ્‍યો છે. કુ. રેખાએ હંમેશા ‘સંઘર્ષ જ જીવન છે’ના વિચાર સાથે ‘ફેમિના મિસ ઇન્‍ડિયા યુનિયન ટેરેટરી-2024’ની સ્‍પર્ધામાં ભાગ લીધો હતો અને એને પોતાના નામે કર્યો હતો.
‘ફેમિના મિસ ઇન્‍ડિયા’ સ્‍પર્ધા ફક્‍ત ભારતમાં જ નહિ પરંતુ આંતરરાષ્ટ્રીય સ્‍તર પર પણ પ્રતિષ્ઠિત છે. સેલવાસની કુ. રેખા પાંડેએ પોતાના આત્‍મવિશ્વાસ, પરિપક્‍વતા અને સમાજ પ્રત્‍યે જાગૃત વિચારથી દરેકને પ્રભાવિત કર્યા છે. જજ અને દર્શકોના દિલ જીતનાર કુ. રેખાએ એ સાબિત કર્યું છે કે સૌંદર્ય અને બુદ્ધિમત્તાનો સંગમ કેવી રીતે સમાજમાં પરિવર્તન લાવી શકે છે.
અત્રે યાદ રહે કે, કુ. રેખા પાંડેએ આંતરરાષ્ટ્રીય વાણિજ્‍ય ઓલમ્‍પિયાડમાં કાંસ્‍ય પદક પણ જીત્‍યો છે અને પ્રદેશનું નામ આંતરરાષ્ટ્રીય સ્‍તરે રોશન કર્યું છે. એમનું માનવું છે કે સૌંદર્ય પ્રતિયોગિતા ફક્‍ત ગ્‍લેમર સુધી સીમિત ન હોવી જોઈએ. તેઓ ભવિષ્‍યની યોજનાઓમાં મહિલાઓનેસશક્‍તિકરણ અને શિક્ષણ ક્ષેત્રમાં મદદરૂપ કાર્ય કરશે. તેમણે મેળવેલી સિદ્ધીનો ઉપયોગ સમાજના વંચિત વર્ગો માટે કરશે જેથી તેઓ પોતાનું સપનુ સાકાર કરી શકે. કુ. રેખા પાંડેની આ ઉપલબ્‍ધિ દા.ન.હ. માટે ગર્વની ક્ષણ છે. એમનો સંઘર્ષ, સમર્પણ અને જીત એ વાતનું પ્રમાણ છે કે કોઈપણ સપનું મોટું નથી હોતુ, બસ એને પામવા માટે દ્રઢ નિヘય અને મહેનત જરૂરી છે.

Related posts

ઉમરસાડી મર્ડરના આરોપીની ધરપકડ બબાલ કરી વતન ભાગી ગયેલ આરોપીને ઝડપતી પારડી પોલીસ

vartmanpravah

સેલવાસ એસ.ટી. ડેપો સામે ગેરકાયદે આડેધડ રીક્ષા પાર્કિંગના કારણે સર્જાતો ટ્રાફિકજામ

vartmanpravah

દાનહ ક્રાઇમ બ્રાન્‍ચે ચાર ચોરીના કેસમાં ત્રણ આરોપીની કરેલી ધરપકડ

vartmanpravah

શ્રી સ્‍વામિનારાયણ સી.બી.એસ.ઈ. સ્‍કૂલ સલવાવના વિદ્યાર્થીની વિજય મર્ચન્‍ટ ટ્રોફી ટુર્નામેન્‍ટમાં પસંદગી

vartmanpravah

વાપીમાં ડો.આશા ગાંધીના પેઈન્‍ટીંગનું સોલો એક્‍ઝિબિશન યોજાઈ ગયું

vartmanpravah

12 વર્ષ બાદ દીવ પધારેલા પૂર્વ કલેક્‍ટર કિશન કુમારના ઉદ્‌ગાર : ‘‘અરે!.. શું હું દીવ જ આવ્‍યો છું ને!?, શું આવો વિકાસ પણ સંભવી શકે? ”

vartmanpravah

Leave a Comment