આર્મી અધિકારી સુરતથી મુંબઈ જતા હતા : હાઈવેના વરસાદી ખાડાઓએ વધુ એક અકસ્માત સર્જ્યો
(વર્તમાન પ્રવાહ વાપી બ્યુરો)
વાપી, તા.23: વલસાડ હાઈવે ગુંદલાવ ચોકડી નજીક બલેરો કારમાં મુંબઈ જઈ રહેલા આર્મી બે અધિકારીઓની કાર ફલા હોટલ સામે ખાડામાં પટકાઈ હતી. પાછળથી આવતાડમ્પરે કારને ટક્કર મારી દેતા કારનો કુરચો બોલી ગયો હતો. અકસ્માતમાં આર્મી અધિકારીઓનો ચમત્કારિક બચાવ થયો હતો.
વરસાદી ખાડાઓએ હાઈવે ઉપર બેહાલી સર્જી છે. હજુ પણ ખાડાઓને લઈ અકસ્માત સર્જાઈ રહ્યા છે. ગત સાંજે સુરતથી બલેરો કાર નં.ડીએલ 9 સીએમ 0807 માં બે આર્મી અધિકારી મુંબઈ તરફ જઈ રહ્યા હતા ત્યારે વલસાડ ગુંદલાવ ચોકડી ફલા હોટલ સામે કાર અચાનક ખાડામાં પટકાઈ હતી તે દરમિયાન પાછળથી આવતા ડમ્પર કાર સાથે ધડાકાભેર ભટકાતા કારનો કુરચો બોલાઈ ગયો હતો. જો કે સર્જાયેલ ગંભીર અકસ્માત બન્ને આર્મી અધિકારીઓનો ચમત્કારિક બચાવ થયો હતો. અકસ્માત બાદ હાઈવે પોલીસ ઘટના સ્થળે પહોંચીને મામલો સંભાળી લીધો હતો.
