(વર્તમાન પ્રવાહ ન્યુઝ નેટવર્ક)
પારડી, તા.02: પારડી પોલીસ સ્ટેશનના પીઆઇ જીઆર ગઢવીના માર્ગદર્શન હેઠળ પી.એસ.આઈ. એસ.આર. સુસલાદે તથા ઘનશ્યામ આલાભાઈ, નીતિન ભીખાભાઈ, કિરીટસિંહ દિલીપસિંહ અંકિત હરેશભાઈ, જીતેન્દ્ર અમૃત, વિગેરેનાઓ ગણેશ ઉત્સવને લઈ પારડી પોલીસ સ્ટેશન વિસ્તારમાં પેટ્રોલિંગ કરી રહ્યા હતાઆ દરમિયાન તેમને આરજે 23 જીસી 6326 નંબર ની બોલેરો ગાડીમાં ડીઝલનો જથ્થો સંતાડીને પારડી નેશનલ હાઈવે નંબર 48 ના સર્વિસ રોડની બાજુમાં આવેલ જલારામ નગર શ્રી એપાર્ટમેન્ટના ગ્રાઉન્ડ ફલોરમાં દુકાન નંબર 1 માં આવેલ મુસ્કાન બ્રેક ડાઉન નામની ગેરેજમાં ડીઝલના જથ્થો સંતાડવાની પહેરવી કરી રહ્યા હોવાની બાતમી મળતા પોલીસે બાતમી વાળી જગ્યાએ પહોંચી જોતા બાતમી વાળી બલેરો ગાડી તથા દુકાનમાંથી પ્લાસ્ટિકના અલગ અલગ કારબામાં ભરેલ ડીઝલનો જથ્થો મળી આવ્યો હતો. પોલીસે ત્યાં હાજર ઈસમને પૂછપરછ કરતા તેનું નામ અફઝલ હુસેન મનસુરી રહે.શ્રી એપાર્ટમેન્ટ હોવાનું જણાવ્યું હતું. પોલીસે ડીઝલના બિલ તથા કયાંથી લાવ્યા હોવાનું પૂછતા તેણે ગલ્લા તલ્લા કરી સાચું જણાવી ન શકતા પારડી પોલીસે 1.અફઝલ હુસેન મનસુરી રહે.શ્રી એપાર્ટમેન્ટ, 2.સુનિલ કેસર દેવ જાટ 3.બનવારી લાલ જેસા રામ જાટ 4.કૈલાશ સોપાલ મીણા તમામ રહે.એલ એન્ડ ટી કંપની બાલદાની ધરપકડ કરી 185 લિટર ડીઝલ કિંમત 16,650 અને રૂા.3,00,000 ની બલેરો ગાડી કબજે લઈ વધુ તપાસ હાથ ધરી છે.
