(વર્તમાન પ્રવાહ વાપી બ્યુરો)
વાપી, તા.03: પ્રભાત સ્કોલર્સ એકેડમી સેલવાસ દ્વારા ‘‘ડાન્સ મેનિઆ” અંતર્ગત ડાન્સ પ્રતિયોગિતાનું આયોજન કરવામાં આવ્યું હતું. આ પ્રતિયોગિતામાં શ્રી એલ.જી. હરિઆ મલ્ટિપર્પઝ શાળાના બાળકો દ્વારા નારી શક્તિને ઉજાગર કરતુ લોકનૃત્ય રજૂ કરવામાં આવ્યું હતું. જેમાં શાળાના ધોરણ 9 ની વિદ્યાર્થીનીઓ શ્રેયા પાટીલ, દૃષ્ટિ બારહટે અને ધોરણ અગિયારની વિદ્યાર્થીનીઓ અનુક્રમે અંશિકા મિશ્રા, પૂજા બિશ્નોઈ, પ્રાચી ઝા, જાન્વી ભાટકર, નૂપુર બેરા, ચૈતન્ય રૈયા, શ્રેયા નાયર, અભિનયા અનિલ કુમાર, અક્ષયા સસી, પ્રિયા ઉપાધ્યાયએ ભાગ લઈ દ્વિતીય સ્થાન પ્રાપ્ત કરી શાળાને ગૌરવ અપાવ્યું છે. શાળાના મેનેજમેન્ટ અને આચાર્યા શ્રીમતી બીની પૌલે શાળા પરિવાર વતી વિજેતા વિદ્યાર્થીનીઓ તેમજ તેમની માર્ગદર્શક શિક્ષિકાઓ શ્રીમતી પૂનમ નારખેડે અને અભિલા સુજનને અભિનંદન પાઠવ્યા હતા.
