(વર્તમાન પ્રવાહ ન્યુઝ નેટવર્ક)
સેલવાસ, તા.06 : દાદરા નગર હવેલીના નરોલી ગામમાંથી પસાર થઈ રહેલ દેશનો મહત્ત્વાકાંક્ષી બુલેટ ટ્રેન પ્રોજેક્ટ અંતર્ગત કામગીરી ચાલી રહી છે. આ બુલેટ ટ્રેન પ્રોજેક્ટ અંતર્ગત ચાલતા કામ સંદર્ભે નરોલી-સેલવાસ રોડ નેશનલ હાઇવે નંબર 185, એચ.પી. પેટ્રોલ પમ્પ, હવેલીપેટ્રોલિયમ પાસેથી 06 સપ્ટેમ્બરથી10 સપ્ટેમ્બર સુધી અને 11 સપ્ટેમ્બરથી 14 સપ્ટેમ્બર સુધી ભારેથી અતિ ભારે વાહનો માટે ડાયવર્ઝન આપવામાં આવ્યું છે. જેમાં ભીલાડ તરફથી આવતા મોટર સાયકલ અને લાઈટ મોટર વ્હીકલ હોટલ પુષ્પક નવા ફળીયા થઈ નરોલી ચાર રસ્તા થઈ સેલવાસ તરફ જઈ શકશે અને ભારેથી અતિ ભારે અને કોમર્શિયલ વાહનો ભીલાડથી વાયા ઝરોલી-લુહારી ફાટક થઈ અથાલ ચાર રસ્તાથી જઈ શકાશે.
