ધરમપુર માલનપાડા મોડેલ સ્કુલ ખાતે “મેન્સ્ટ્રુઅલ હાઈજીન દિવસ” ની ૧૩૫ વિદ્યાર્થીનીઓ સાથે ઉજવણી

(વર્તમાન પ્રવાહ ન્યુઝ નેટવર્ક)
વલસાડ, તા.૨૧: મહિલા અને બાળ અધિકારી કચેરી દ્વારા ‘બેટી બચાવો બેટી પઢાઓ’ અભિયાન હેઠળ વલસાડ જિલ્લાના મોડેલ સ્કૂલ માલનપાડા – ધરમપુર સ્કૂલની ૧૩૫ જેટલી વિદ્યાર્થીનીઓ સાથે “મેન્સ્ટ્રુઅલ હાઈજીન દિવસ” કાર્યક્રમનું આયોજન કરવામાં આવ્યું હતું, જેમાં મેડીકલ ઓફિસર ડૉ. ક્રિષ્ના પટેલ દ્વારા માસિકસ્ત્રા વ બાબતે અને આયર્ન ગોળીઓ તેમજ પોષણ અંગે, DHEWના મિશન કોઓર્ડિનેટર જીજ્ઞેશ પટેલ દ્વારા મહિલા અને બાળ વિકાસ વિભાગની યોજનાકીય માહિતી આપવામાં આવી. તેમજ બેટી બચાવો બેટી પઢાઓ યોજના, ગુડ ટચ બેડ ટચ, ચાઈલ્ડ હેલ્પલાઇન વિશેના વીડિયો દ્વારા માહિતી આપી વિસ્તૃત સમજણ આપવામાં આવી હતી. સખી વન સ્ટોપ સેન્ટરના કાઉન્સિલર જ્યોતીબેન ગામીત દ્વારા સેન્ટરની માહિતી આપવામાં આવી. સાથે સાથે વિદ્યાર્થીનીઓ સાથે પ્રશ્નોતરી દ્વારા પ્રશ્નોનું નિરાકરણ કરવામાં આવ્યું હતું. કાર્યક્રમમાં શાળા આચાર્યા ડૉ. વર્ષાબેન પટેલ, શાળાના શિક્ષકો, DHEWના જેન્ડર સ્પેશિયાલીસ્ટ તુષાર પટેલ હાજર રહ્યા હતા.