મોટી નાયકાવાડમાં રહેતી શબનમ મોહંમદ સૈયદના ઘરેથી 2,750 કી.ગ્રા. ગાંજાનો જથ્થો મળી આવ્યો
(વર્તમાન પ્રવાહ વાપી બ્યુરો)
વાપી, તા.26: વાપી એસ.ઓ.જી.ને મળેલી બાતમી આધારે મોટી નાયકાવાડમાં રેડ કરી હતી. કાર્યવાહીમાં એક મહિલાને ઘરેથી ગાંજાનો જથ્થો મળી આવતા કાયદેસરની કાર્યવાહી પોલીસે કરી હતી.
વાપી મોટી નાયકાવાડ પાણીની ટાંકી પાસે કચીગામ રોડ ઉપર રહેતી શબનમ મોહંમદભાઈ સૈયદ ઘરમાં ગાંજાનું વેચાણ કરે છે તેવી બાતમી એસઓજી મળી હતી.તેથી પી.આઈ. એ.યુ. રોઝએ એસ.આઈ. અશોકભાઈ અને સ્ટાફે બાતમી વાળા જગ્યાએ રેડ કરી હતી. રેડ દરમિયાન શબનમબેન શેખના ઘરમાંથી 2,750 કી.ગ્રા. ગાંજાનો જથ્થો મળી આવ્યો હતો. પોલીસે 27,500 નો ગાંજો બે મોબાઈલ મળી કુલ 38 હજારનો મુદ્દામાલ જપ્ત કર્યો હતો. આરોપી વિરૂધ્ધ એન.ડી.પી.એસ. એક્ટ હેઠળ ગુનો નોંધી વધુ આગળની તપાસ હાથ ધરી હતી.
